இலங்கையில் மிகவும் உணர் திறன் தாவர இனங்கள் நிறைந்துள்ள காடுகள் இத் தீவின் தென்மேற்கு தாழ் நில ஈர வலய பகுதியிலேயே பரவிக் காணப்படுகின்றன. இக்காடுகள் துண்டாடப்பட்டும் சிதைந்தும் குறிப்பாக நகரமயமாக்கல் காரணமாக அருகியும் வருகின்றன. உள்ளுர் தாவரங்களில் பெரும்பாலானவை அதிக உணர்திறன் கொண்டவையானதால் அவற்றை இத் தீவின் ஏனைய இடங்களில் சிறப்பாக வளர்வது மிகவும் கடினம். இத் தாவரவியல் பூங்கா தாழ் நில ஈர வலய பகுதியில் காணப்படுகின்ற தாவரங்களின் மீட்பு மையமாக நிறுவப்பட்டதுடன் இங்கு அச்சுறுத்தலுக்குட்பட்ட மற்றும் அச்சுறுத்தலுக்குள்ளாகக் கூடிய ஆபத்தை கொண்டுள்ள தாவரங்கள் திருப்திகரமாக பாதுகாக்கப்படுகின்றன. இந்த தாவரவியல் பூங்காவின் முக்கிய நோக்கம் இலங்கையின் தாழ்நில ஈர வலய தாவரங்களை பாதுகாப்பதாகும். சுற்றுலாத் துறையை ஊக்குவித்து மாகாணத்தின் சிறந்த சுற்றுலாத் தலங்களில் ஒன்றாக மாற்றுவதன் ஊடாக இப்பகுதியில் வாழும் மக்களது வாழ்க்கைத் தரத்தை உயர்த்துவதற்கான வாய்ப்புகளையும் இப்; பூங்கா வழங்குகின்றது. தாவரவியல் பூங்கா பூச்செடியியல் துறைகளில் ஆர்வமுள்ளவர்களுக்கு பயிற்சித் திட்டங்களை நடத்துவதுடன் ஏற்றுமதி சார்ந்த பூ வளர்ப்பிற்கான பயிற்சி நிலையங்கள் தாழ் நில ஈர வலயப் பகுதிகளில்; அமைப்பதனையும் நீண்டகால திட்டமாக கொண்டு செயல்பட்டுவருகின்றது. மேலும் சுற்றுச்சூழல் ஆராய்ச்சிக்கான ஆய்வகமாகவும் செயல்படுகிறது. சிறப்பாக பராமரிக்கப்பட்டுவரும் சீதாவாக்கா ஈர வலயத் தாவரவியல் பூங்கா>சிறந்ததொரு பொழுதுபோக்கு தளமாகவும் இயற்கை ஆர்வலர்களுக்கு ஏற்றவிதத்திலான அழகான இடத்தில் அமைந்துள்ளது. பூங்காவின் கண்கவர் காட்சிகளை அனுபவிக்க வருபவர்களுக்கு இப்பூங்காவில் அமைந்துள்ள"கும்புக்" தாவரப் பகுதியில் உள்ள நீர் நிலைகள்>நீர்த் தேக்கத்தில் படகு சவாரிகள்>வனப்பகுதி வழியாக சுற்றுச்சூழல் அழகினை இரசித்தவன்னம் பூங்காவின் உச்சிக்கு செல்வதற்கான சுமார் ஒருமைல் தூரத்தை மெதுவாக ஏறுவதற்கு அமைக்கப்பட்டுள்ள நடை பாதை மற்றும் காட்சி மையம் என்பன அற்புதமான அம்சங்களாகும்.