தகவல் அறியும் உரிமைச் சட்டம்

தகவல்களை அணுகுவதற்கான உரிமை

தேசிய தாவரவியல் பூங்காக்கள் திணைக்களம் வெளிப்படைத்தன்மையையும் பொறுப்புக்கூறலையும் உறுதிப்படுத்துவதற்கு அர்ப்பணிப்புடன் செயற்படுகிறது. 2016 ஆம் ஆண்டின் 12 ஆம் இலக்க தகவலறியும் உரிமைச் சட்டத்தின் ஏற்பாடுகளுக்கு உட்பட்டு, திணைக்களத்தின் வசமுள்ள தகவல்களைப் பெறுவதற்குப் பிரஜைகள் கோரிக்கைகளைச் சமர்ப்பிக்கலாம்.

தகவல் கோரிக்கைகளைச் சமர்ப்பித்தல், மேன்முறையீடுகளைச் செய்தல் மற்றும் தொடர்புடைய படிவங்களையும் ஆவணங்களையும் பெற்றுக்கொள்ளுதல் பற்றிய வழிகாட்டல்களை இப்பக்கம் வழங்குகிறது.

தகவல் கோரிக்கையை எவ்வாறு சமர்ப்பிப்பது?

தகவல் கோரிக்கைப் படிவத்தை (RTI 01) பூர்த்தி செய்வதன் மூலமாகவோ அல்லது திணைக்களத்தின் தகவல் அலுவலருக்கு எழுத்துமூலமான கோரிக்கையைச் சமர்ப்பிப்பதன் மூலமாகவோ நீங்கள் தகவல்களைக் கோரலாம்.

உங்களுக்குத் தேவையான தகவல்களைத் தெளிவாகக் குறிப்பிடுவதுடன், திணைக்களம் உங்கள் கோரிக்கைக்குப் பதிலளிப்பதற்காக உங்கள் தொடர்பு விவரங்களையும் வழங்கவும். கோரிக்கையைத் தயாரிப்பதற்கு உதவி தேவைப்பட்டால், தகவல் அலுவலரைத் தொடர்புகொள்ளவும்.

தகவல் கோரிக்கைப் படிவத்தைப் பதிவிறக்கவும் — RTI 01

குறித்தளிக்கப்பட்ட அலுவலருக்கு மேன்முறையீடு செய்தல்

உங்கள் கோரிக்கை நிராகரிக்கப்பட்டிருந்தால், உரிய காலப்பகுதிக்குள் பதில் கிடைக்காவிட்டால் அல்லது வழங்கப்பட்ட தகவல்கள் முழுமையற்றவை, தவறாக வழிநடத்துபவை அல்லது பொய்யானவை என நீங்கள் கருதினால், சட்டத்தின் ஏற்பாடுகளுக்கு இணங்க திணைக்களத்தின் குறித்தளிக்கப்பட்ட அலுவலருக்கு மேன்முறையீடு செய்யலாம்.

மேன்முறையீட்டைச் சமர்ப்பிப்பதற்கு RTI 10 படிவத்தைப் பயன்படுத்தலாம். உங்கள் ஆரம்பத் தகவல் கோரிக்கையின் விவரங்களையும் மேன்முறையீடு செய்வதற்கான காரணத்தையும் குறிப்பிடவும்.

மேன்முறையீட்டுப் படிவத்தைப் பதிவிறக்கவும் — RTI 10