மலையகத்தின் தலைநகரான கண்டி நகருக்கு அண்மையில் சுமார் 60 ஹெக்டெயார் நிலப்பரப்பில் கடல் மட்டத்திலிருந்து சுமார் 460 மீற்றர் உயரத்தில் அமைந்துள்ள இப்பூங்காவானது> இலங்கையின் மிக நீளமான நதியான மகாவலிகங்கையின் விளிம்பில் குதிரை-பாதணி வடிவிலான தீபகற்ப அமைப்பைக் கொண்டுள்ளது. இதன் பிரதான நுழைவாயில் பேராதனையில் கொழும்பு-கண்டி; வீதிக்கு முகம் நோக்கியதாக அமைந்துள்ளது. பல்வேறுவகையிலான தாவர சேகரிப்புக்களையும் ஒழுங்குமுறையில் நடப்பட்டு பரமரிக்கப்படுகின்ற பல்வேறு தாவரத் தொகுதிகளையும் உள்ளடக்கிய பேராதனை அரசதாவரவியல் பூங்கா>இலங்கைக்கு முக்கியத்துவம் வாய்ந்த பூர்வீக மற்றும் வெளிநாட்டு தாவரங்கள் உட்பட சுமார் 4000 தாவர இனங்களுக்கு தாயகமாக விளங்குகின்றது. தனித்துவமான வர்ண எல்லையுடன் கூடிய மலர் தோட்டம்> உயர்ந்து வளர்ந்த வெப்பமண்டல மரங்களின் செழிப்பான காட்சி >பன்னத் தோட்டம் 300 க்கும் மேற்பட்ட கவர்ச்சிகரமான ஓக்கிட் வகைகளை கொண்டுள்ள ஓக்கிட் இல்லம் போன்ற அலங்கார அம்சங்களின் கவர்ந்தீர்ப்பினால் பூங்காவின் இயற்கை அழகு மெருகூட்டப்படுகிறது. வெளிநாட்டுத் தலைவர்கள் மற்றும் விண்வெளி வீரர்கள் போன்ற பல்வேறு தலை சிறந்த பிரபல்யங்கள் தங்கள் வருகையினை நினைவு கூறும் வித்தத்தில் நட்டிய மரங்களின் சேகரிப்பானது இப் பூங்காவின் உலக வரலாற்றை பரைசாற்றுகின்றது. பரந்த புல்வெளிகள்>பனைமரச் சாலைகள்>தாவரப்பேணகங்கள்>மருத்துவத் தோட்டம்>மாணவர் தோட்டம்>பன்னத் தோட்டம் மற்றும் இலங்கை வடிவிலான ஏரி என்பன பூங்காவில் அமைந்துள்ள பார்வையாளர்களை கவர்ந்தீர்க்கும் ஏனைய கவர்ச்சிகரமான இடங்களாகும். அண்மையில் நிறுவப்பட்ட பூங்கா அருங்காட்சியகம்> கல்வி மூலை மற்றும் நினைவுப் பரிசு விற்பனை கூடம் என்பனவும் பூங்காவிற்கு மேலதிக பெறுமானத்தை அளிக்கிறது. தற்போது>அரச தாவரவியல் பூங்காவானது தாவரங்களின் வெயிவாரிப் பேணுகை>பாடசாலை மாணவர்கள் மற்றும் பொதுமக்களுக்குக் கல்வியூட்டல் சூழலியல் அபிவிருத்திப் பணிகளுக்குப் பங்காற்றுதல்>கல்வி> தாவரவியல் ஆய்வு>சூழலியல் மற்றும் அலங்காரப் பூங்காவியல் நிலையமாகவும் மக்களுக்கு ஓய்வளிக்கும் தலை சிறந்த இடமாகவும் திகழ்கின்றது.